27 Dec 晚上 --> 28 Dec   薩利色爾卡Saariselka --> 羅凡尼米Rovaniemi

食完晚飯, 我地撘多程的士就到我地今晚既目的地 - Hotel & Igloo Village Kakslauttanen, 即係玻璃屋既地方

入到去check-in時先知道原來呢度係包埋晚餐的, 但果時個個都已經食到好飽, 已經再食唔落... 蝕左添, 哈

之後我地行左大約15分鐘路程去到我期待已久既玻璃屋, 哈哈, 呢度真係好靚好得意, 可以望到天空架, 但好好好可惜...... 今晚天氣好差呀, 咩都睇唔到, 吼, 激死!!

門口好矮, 要彎腰先可以入去架.      熄哂燈後, 就可以望到出面, 唔會再反光

擺低d野, 我地就去沖涼啦, 由玻璃屋去浴室大約10分鐘路程, 果度可以焗埋suana添, 沖完涼暖粒粒, 行返去果時一d都唔覺得凍, 不過可憐既叔叔就慘d, 因為我地唔知原來佢一路係浴室外面等緊我地, 到我地出去既時候佢已經凍薑啦 XDDD

呢個就係我地住既玻璃屋

第二朝, 原本諗住食完早餐去坐鹿車, 點知已經full哂lu, 唯有撘巴士落返羅凡尼米, 襯仲有時間, 又影下相先

呢度已經凍到湖結冰lu. 右邊張相裡面係冰水黎架, 係比人焗完suana跟住再即刻浸落去, 不過由suana室行黎呢度要5分鐘呀, 我諗行到黎已經凍瓜左啦, 哈

呢個係snow lgloo, 裡面既溫度大約係-2度, 我就真係唔敢係度瞓啦, 哈

離開酒店, 我地又再撘返三個幾鐘巴士返羅凡尼米

巴士中途會停陣比客人買下野飲去下廁所, 而我就落左車影相 :p

巴士終於到站啦, 之後我地去左博物館, 係關於北極薩米人既

之後我地行左去巿中心, 今晚既天好清呀, 仲睇到好多星星添, 而我當時既感覺係.... 頂! 琴晚唔見你咁好天, 吼~~~   果刻真係激死我 XDD

呢隻狗好大隻架, 企係度有一個成年人咁高呀

高高既聖誕樹同雪人, 仲有商場可以行下

又到晚飯時間, 今晚我地食鹿肉意粉同pizza, 好難得我記得係咩來, 因為.... 原來鹿內係咁既味既, 我真係好唔鍾意

食完飯我地慢慢行返去火車站, 今晚我地冇床位呀, 要坐成晚, 冇瞓過咁滯, 第二日超攰...